5 Finansieringsopplegg
Finansieringa av Bypakke Kristiansund er basert på bompengar, statlege midlar til nokre mindre investeringstiltak og fylkeskommunale midlar. I tillegg er det lagt til grunn at Kristiansund kommune og Møre og Romsdal fylkeskommune skal føre all meirverdiavgift som staten refunderer for prosjekta og tiltaka tilbake til bypakka.
Tabell 5.1 Finansieringsplan for Bypakke Kristiansund i mill. 2025-kr
|
Finansieringskjelde |
Før 2025 |
Fra 2025 |
Totalt |
|---|---|---|---|
|
Fylkeskommunale midlar |
41 |
41 |
|
|
Meirverdiavgiftskompensasjon |
22 |
22 |
|
|
Statlege midlar |
40 |
321 |
361 |
|
Bompengar |
1 736 |
1 736 |
|
|
Sum |
40 |
2 120 |
2 160 |
Fylkeskommunale og kommunale midlar
Det er lagt til grunn at Møre og Romsdal fylkeskommune og Kristiansund kommune samla skal bidra med ein eigendel på minst 20 pst. av investeringane (ekskl. mva.) på fylkeskommunale og kommunale vegar. I tillegg er det føresett at all meirverdiavgift som staten refunderer for prosjekta skal førast tilbake til bypakka. Det er førebels rekna at investeringar på det lokale vegnettet vil kunne bli på om lag 120 mill. kr inkludert meirverdiavgift. Refusjon av meirverdiavgift vil utgjere om lag 22 mill. kr. I tråd med dei lokalpolitiske vedtaka er det lagt til grunn at Møre og Romsdal fylkeskommune skal bidra med om lag 38 mill. 2023-kr til finansieringa av tiltak i bypakka. Rekna om til 2025-kr utgjer dette om lag 41 mill. kr, noko som svarer til ein eigenandel på om lag 42 pst. Desse to postane til saman utgjer om lag 63 mill. kr.
Endeleg nivå på den lokale eigendelen og kompensasjonen for meirverdiavgift er avhengig av kor stor del av investeringsmidlane som faktisk blir nytta til prosjekta og tiltaka på det kommunale og fylkeskommunale vegnettet.
Statlege midlar
Det er lagt til grunn om lag 300 mill. 2023-kr i statlege midlar til mindre investeringstiltak på rv. 70 i Bypakke Kristiansund. Rekna om til 2025-prisnivå utgjer dette om lag 321 mill. kr. Prioritering av statlege midlar til nokre mindre investeringstiltak i Bypakke Kristiansund vil skje innanfor rammene av mindre tiltak i Nasjonal transportplan 2025–2036 og må vurderast i samband med dei årlege statsbudsjetta. Før 2025 er det nytta om lag 40 mill. kr til reguleringsplanarbeid på dei statlege tiltaka i bypakka, slik at det totale statlege bidraget til prosjekta i bypakka blir om lag 361 mill. kr.
Bompengebidrag
Bompengebidraget til investeringstiltak i Bypakke Kristiansund er rekna til å utgjere om lag 1 620 mill. 2023-kr. Rekna om til 2025-prisnivå utgjer dette om lag 1 736 mill. kr. Dette gir ein bompengedel på om lag 80 pst.