Forslag
til vedtak om utbygging og finansiering av Bypakke Kristiansund i Møre og Romsdal
I
Fullmakt til å forplikte staten for investeringsprosjekt
Stortinget samtykkjer i at Samferdselsdepartementet i 2025 kan:
|
Starte opp, medrekna føreta bestillingar og gi tilsegn i dette investeringsprosjektet: |
Innanfor ei kostnadsramme på: |
|---|---|
|
Rv. 70 Vikansvingen–Kontrollplassen |
1 427 mill. kroner |
Fullmakta gjeld òg forpliktingar som blir inngåtte i seinare budsjettår, innanfor kostnadsramma for prosjektet. Samferdselsdepartementet blir gitt fullmakt til å pris- og valutakursjustere kostnadsramma i seinare år.
II
Fullmakt til bompengefinansiering
-
Stortinget sluttar seg til utbygging og finansiering av Bypakke Kristiansund i Møre og Romsdal.
-
Stortinget samtykkjer i at bompengeselskapet Vegamot AS får løyve til å ta opp lån og krevje inn bompengar til utbygging og finansiering av Bypakke Kristiansund i Møre og Romsdal. Vilkåra for finansieringa går fram av denne proposisjonen.
-
Samferdselsdepartementet får fullmakt til å inngå avtale med bompengeselskapet Vegamot AS om utbygging og finansiering av Bypakke Kristiansund i Møre og Romsdal. Avtalen gir bompengeselskapet rett til å krevje inn bompengar innanfor vilkåra i denne proposisjonen.