1 Álggaheapmi

Sámedikki dievasčoahkkin mearridii Sámedikki jahkedieđáhusa njukčamánu 3. beaivvi 2016. Stáhta ekonomiijastivrema njuolggadusaid čuoggá 1.5.1 mielde válljii Sámediggi válljen juohkit 2015 jahkedieđáhusa guđa váldooassái. Dieđáhus lea strukturerejuvvon čuovvovaččat dáid namahusaiguin: I) Jođiheaddji dieđáhus, II) Doaimma ja váldologuid introduseren, III) Jagi doaimmat ja bohtosat, IV) Doaimma stivren ja dárkkisteapmi, V) Boahttevuođaoainnuid árvvoštallan ja VI) Jahkerehketdoallu.

Dán stuoradiggedieđáhusas leat muhtin áššit Sámedikki jahkedieđáhusas váldojuvvon ovdan ja kommenterejuvvon. Sámedikki bušeahttajuolludemiid geavaheapmi 2015:s muhtin dihto surggiin čilgejuvvo. Dás čilgejuvvo maid makkár ráđđádallamat leat dahkkojuvvon 2015:s ja 2016 vuosttaš jahkebealis.