Forslag
til vedtak om utbygging og finansiering av Fellesprosjektet Arna–Stanghelle i Vestland og kostnadsramme for E45 Kløfta i Finnmark
I
Fullmakt til å forplikte staten for investeringsprosjekt
Stortinget samtykkjer i at Samferdselsdepartementet i 2025 kan:
|
Starte opp, medrekna føreta bestillingar og gi tilsegn i desse investeringsprosjekta: |
Innanfor ei kostnadsramme på: |
|---|---|
|
Fellesprosjektet Arna–Stanghelle |
49 331 mill. kroner |
|
E45 Kløfta |
2 059 mill. kroner |
Fullmaktene gjeld òg forpliktingar som blir inngåtte i seinare budsjettår, innanfor kostnadsramma i det einskilde prosjektet. Samferdselsdepartementet blir gitt fullmakt til å pris- og valutakursjustere kostnadsrammene i seinare år.
II
Fullmakt til bompengefinansiering
-
Stortinget sluttar seg til delvis bompengefinansiering av E16 Arna–Stanghelle.
-
Stortinget samtykkjer i at bompengeselskapet Ferde AS får løyve til å ta opp lån og krevje inn bompengar til delvis bompengefinansiering av E16 Arna–Stanghelle. Vilkåra går fram av denne proposisjonen.
-
Samferdselsdepartementet får fullmakt til å inngå avtale med bompengeselskapet Ferde AS om (del)finansiering av E16 Arna–Stanghelle. Avtalen gir bompengeselskapet rett til å krevje inn bompengar innanfor dei vilkåra denne proposisjonen set.
III
Statleg delgaranti for bompengelån
Stortinget samtykkjer i at Samferdselsdepartementet i 2025 kan gi Statens vegvesen fullmakt til å gi tilsegn om statleg sjølvskuldnargaranti for inntil 4 900 mill. kroner til finansiering av utbygginga av E16 Arna–Stanghelle i Vestland fylke.
Det er eit vilkår for garantistillinga at Vestland fylkeskommune stiller same type garanti for den resterande delen av det maksimale garantibeløpet på 9 800 mill. kr. Det blir ikkje kravd garantiprovisjon for den statlege delgarantien.