1 Innleiing

Samferdselsdepartementet legg i denne proposisjonen fram forslag om å forlenge innkrevjingsperioden for Bypakke Nord-Jæren i kommunane Stavanger, Sandnes, Sola og Randaberg med vel fem år. Vidare blir det opna for å kunne innføre differensierte takstar i bypakken etter eigne lokalpolitiske vedtak på eit seinare tidspunkt, og det blir opplyst om at den fylkeskommunale garantien blir sett ned på grunn av lågare lånebehov. Departementet orienterer òg om samanslåing av tilskot i belønningsordninga for betre kollektivtransport mv. i byområda.