1 Endra takstar for legar, psykologar og fysioterapeutar
1.1 Innleiing
Staten og KS forhandlar med Den norske legeforeningen, Norsk Psykologforening og dei tre fysioterapeutorganisasjonane Norsk Fysioterapeutforbund, Norsk Manuellterapeutforening og Privatpraktiserende Fysioterapeuters Forbund om endringar i basistilskot, driftstilskot og folketrygdrefusjonar for legehjelp, psykologhjelp og fysioterapi som sikrar desse gruppene inntektsauke. Det fremmes i denne proposisjonen nødvendige løyvingsendringar som følge av ingåtteavtalar med organisasjonane.
1.2 Fastsetting av basistilskot, driftstilskot og takstar for legar, psykologar og fysioterapeutar
Basistilskot, driftstilskot og takstar for legar, psykologar og fysioterapeutar blir fastsett for perioden 1. juli til 30. juni påfølgjande år.
Forhandlingane med Den norske legeforening og staten, KS og dei regionale helseføretaka om basistilskot, driftstilskot og takstar for tidsrommet 1. juli 2025–30. juni 2026 tok til 13. mai 2025. Forhandlingane mellom fysioterapeutorganisasjonane og staten og KS om driftstilskot og takstar starta 14. mai. Forhandlingane om driftstilskot og takstar mellom Norsk Psykologforening og staten og dei regionale føretaka starta og 14. mai. Det vart inngått avtale med fysioterapeutorganisasjonane 22. mai og psykologforeininga 28 mai. Det vart semje med legeforeninga 20. mai om auka tillegg per 1. juli. Det vart og semje om at basistilskotets del av finansieringa av fastlegane skal aukast frå same dato. Basistilskotet aukas med 15 prosent og takstane 0,3 prosent frå 1. juli. Det er kommunane som utbetalar basistilskot til fastlegene og kommunane skal gis tillegg i rammetilskotet for å finansiere denne endringa i finansieringa av fastlegane.
1.3 Løyvingsendringar
Kap. 571 Rammetilskudd til kommuner
Post 60 Innbyggertilskudd
Det gjerast framlegg om at posten aukar med 236,7 mill. kroner. Basistilskotets del av fastlegenes finansiering skal aukas frå 1. juli 2025. Det er kommunene som utbetalar basistilskotet og rammetilskotet til kommunane skal aukas med 236,7 mill. kroner for å finansiera dette i staden for at posten for refusjonar mv. for legane tilførast desse midlane.
Kap. 2711 Spesialisthelsetjeneste mv.
Post 70 Spesialisthjelp
Avtala med legeforeninga medførar ein auke i honorarinntekta til avtalespesialistane tilsvarande 5,14 prosent. Dette gjev ein auke i folketrygdas utgifter til refusjonar mv. til legane på 96,5 mill. kroner i 2025.
Post 71 Psykologhjelp
Avtala med psykologforeninga medførar ein auke i honorarinntekta til psykologane tilsvarande 3,6 prosent. Dette gjev ein auke i folketrygdas utgifter til refusjonar mv. til psykologane på 10,5 mill. kroner i 2025.
Kap. 2755 Helsetjenester i kommunene mv.
Post 70 Allmennlegehjelp
Avtala med legeforeningen medførar ein auke i honorarinntekta til fastlegane tilsvarande 0,3 prosent. Dette gjev ein auke i folketrygdas utgifter til refusjonar mv. til legane på 65 mill. kroner i 2025.
Post 71 Fysioterapi, kan nyttast under post 62
Avtala med fysioterapiorganisasjonane medførar ein auke i honorarinntekta til fysioterapeutane tilsvarande 5,6 prosent. Dette gjev ein auke i folketrygdas utgifter til refusjonar mv. til fysioterapeutane på 91,5 mill. kroner i 2025.