Utviklingsminister Åsmund Aukrust til New York
Pressemelding | Dato: 27.03.2025 | Utanriksdepartementet
Utviklingsminister Åsmund Aukrust deltek på møte i FN sin befolkningskommisjon i New York 7. og 8. april.
Seksuell og reproduktiv helse (SRHR) ein av seks prioriteringar i utviklingspolitikken. Noreg er ein pådrivar i arbeidet med å forsvare etablerte normer og forsvare kvinners rettar i diskusjonane i internasjonale organ, som FN.
Utviklingsministeren held Noregs innlegg på møtet i FN sin befolkningskommisjon måndag 7. april. Tysdag 8. april opnar han eit norsk arrangement i FNs hovudkvarter med særleg søkjelys på kjønnsbasert vald.
Aukrust skal i tillegg ha eigne møte med mellom anna leiaren i FN sitt befolkningsfond (UNFPA), Natalia Kanem, og leiar i FNs utviklingsprogram (UNDP), Achim Steiner.
Aukrust er tilgjengeleg for pressa i samband med besøket.
Pressekontakt: Ane Haavardsdatter Lunde (med på reisa), ane.lunde@mfa.no, 97671250