Endringar i regelverket for regionale tilretteleggingsmiddel

Departementet sitt forslag til endringar var på høyring frå desember i fjor til januar i år. Det kom 14 høyringsinnspel til endringsforslaga. Høyringsnotat og høyringsinnspel kan lesast her.

Nærmare om endringane som er fastsette

I jordbruksoppgjeret 2024 vart det bestemt at dei to ordningane regionale tilretteleggingsmiddel (RT) og middel til rekruttering og kompetanseheving i landbruket (RK) skulle slåast saman til éi ordning under namnet regionale tilretteleggingsmiddel.

Dette vart grunngjeve med at det er ei viss grad av overlapp mellom dei to ordningane i tillegg til at begge ordningane er forvalta av fylkeskommunen. Sjølv om partane i jordbruksoppgjeret gav dei overordna føringane, var ikkje den nærmare utforminga av regelverket bestemd, og det var behov for å høyre endringar av gjeldande forskrift.

Endringane i forskrifta som følgjer opp jordbruksoppgjeret 2024 omfattar å endre namn på forskrifta, formål med tilskotet, regelen om kven som kan få støtte (inkludert midlar som fylkeskommunen kan setje av før open utlysing) og tiltaksområde.

• Les forskriftsendringane: Forskriftsendringer regionale tilretteleggingsmidler (PDF)

Endringane omfattar vidare fleire mindre justeringar i forskrifta som følgje av behov for å oppdatere enkelte bestemmingar.

• Du kan lese meir om endringane her:Fastsettelse av endringer i forskrift om regionale tilskudd til næringsutvikling, rekruttering og kompetanseheving i landbruket (PDF)