Areála-, ealáhus- ja vuovdepolitihka ossodat (AEV)

Eanadoallo- ja biebmodepartemeanta

Ossodaga váldobargu lea veahkehit ovdánahttit bistevaš vuovde- ja resursapolitihka árvoháhkamii, birrasii ja guoddevaš ealáhusdoaimmaheapmái.

Ossodat veahkeha ovddidit guhkesáiggi vuovde- ja resursapolitihka árvoháhkama, birrasa ja ceavzilis ealáhusovddideami várás

Ossodagas lea ovddasvástádus ovddidit ođđaáigásaš ja nana eanansuodjaleami, ja ráhkadit strategiijaid ja váikkuhangaskaomiid ealáhusovddideapmái eatnamiid, vuovddi ja meahci árvoráidduin. Ossodagas lea ovddasvástádus eanadoalu oamastanlágain ja čuovvula eananjuohkindikkiid. Ossodat čuovvula maiddái Svalbárdda Globála Siepmanvuorkká, ja das lea stivrendialoga Innovašuvdna Norggain ja Bionovain. Statskog SF, Kimen ja Graminor eaiggátstivren lea dán ossodaga vuollásaš.

Ossodaga čuovvovaš sekšuvnnat:

  • Areála- ja opmodatpolitihka juogus (AOJ)

    Areála- ja opmodatpolitihka juhkosa barggut fátmmastit earret eará areálapolitihka ja servodatplánema, eanandoalu eaiggátdiliid, geavahusstruktuvrra ja riektediliid áššiid nu movt árbevuoigatvuođa, guohtuma ja áiddiid. Bargguide gullet maiddái eanansuodjaleapmi, áššit mat gusket plána- ja huksenáššiid vuostecealkámušaide plána- ja huksenlága olis na nu ain. Dakkár gulaskuddamiidda gullet earret eará energiijahuksenáššit, areála- ja konsešuvdnaáššit eará lágaid vuođul ja makkár váikkuhusat dakkár doaibmabijuin sáhttet leat boazodollui ja eanadollui.

  • Ealáhusovddideami ja regionálapolitihka juogus (ERJ)

    Ealáhusovddideami ja regionálapolitihka juhkosa barggut čatnasit regionála- ja guovlopolitihkkii, ja maiddái bargguide mat gullet ealáhusovddideapmái ja árvoháhkamii, eanandoallo- ja meahccevuđot ealáhusaid ovddideapmái, genaresurssaide ja regionála- ja guovlopolitihkkii. Juogus oktiiheiveha ja čuovvula maiddái departemeantta suorgeovddasvástádusa eanandoallooahpahusa rekrutterema dáfus ja suorggi gealbodoaimmaid, ja das lea maid ovddasvástádus departemeantta stivrendialogas Stáhtahálddašeddjiin ja Innovašuvdna Norggain ja fylkkagieldda gulahallamis.

  • Vuovdepolitihka, biras- ja fuođđohálddašeami juogus (VBF)

    Vuovdepolitihka, biras- ja fuođđohálddašeami juhkosa ovddasvástádussuorggit gusket vuvddiide, dálkkádahkii ja luondduvalljivuhtii. Dán oktavuođas lea juhkosis maiddái ovddasvástádus lágain ja láhkaásahusain mat čatnasit vuovdedollui, ja maiddái ealáhuspolitihkkii ja dutkamii dán suorggis.