Dutkanpolitihkka- ja hálddahusossodat (DH)

Eanadoallo- ja biebmodepartemeanta

Ossodat galgá veahkkin ovddidit dakkár dutkan- ja instituhttapolitihka mii addá vuođu olahit eanandoallo- ja biebmosuorggi váldomihttomeriid. Dasa lassin galgá ossodat fuolahit buriid hálddahuslaš bálvalusaid, koordineret departemeantta barggu stáhtabušeahtain, láhčit diliid servodatdorvvolašvuhtii ja gearggusvuhtii.

Stáhtaráđđeovttadat (SRO)

Ovttadat koordinere ja láhčá diliid politihkalaš jođiheami ja departemeantaráđi geavatlaš ja hálddahuslaš bargguide, ovdamearkka dihte lágidemiid, čoahkkimiid ja mátkkoštemiid oktavuođas. Ovttadat koordinere maid departemeantta barggu ráđđehusnotáhtain, Stáhtaráđi áššiiguin, stáhtaráđi searvama Stuoradiggái ja raporteremiid Stáhtaministara kantuvrii ja Stuoradiggái.

 

Ossodaga čuovvovaš sekšuvnnat:

  • Siskkáldas hálddašeami juogus (SH)

    Sekšuvdna oktiiheivehallá barggu departemeantta doaibmastivrejumiin, ekonomiijain ja rehketdoaluin. Muđui lea juhkosis ovddasvástádus departemeantta digitála reaidduid geavaheamis, diehtojuohkinhálddašeamis, intraneahtas ja kantuvradoarjagis. Juhkosis lea maiddái ovddasvástádus departemeantta bargiidhálddašeamis.

  • Bargiid ja organisašuvnna sekšuvdna (BO)

    Sekšuvnnas lea ovddasvástádus organisašuvnna ovdánahttima ovddas, buori bargiidhálddašeami ja bargosearvevuođa ovddas. Sekšuvnna deháleamos barggut leat rekruteren, gealboovdánahttin, bálkášiehtadallamat ja DBS-bargu. Sekšuvdna neavvu jođiheddjiid sihke siskkáldasat departemeantta ja vuolit doaimmain, earret eará nuppástuhttinbarggu, bargorievtti, almmolašvuođalága ja hálddašanlága birra.

  • Dutkan- ja instituhttapolitihka juogus (DIJ)

    Juhkosis lea ovddasvástádus departemeantta dutkan- ja instituhttapolitihka ovddasvástádussuorggis. Dehálaš barggut leat departemeantta etáhtastivren Norgga bioekonomalaš instituhta (NIBIO) ja Veterinearainstituhta (VI) hárrái ja stivrendialoga Norgga dutkanráđiin. Juhkosis lea maiddái ovddasvástádus čuovvulit riikkaidgaskasaš dutkanovttasbarggu eanandoallo- ja biebmosuorggis.

  • Bušeahta, organisašuvdnaovdánahttima ja dorvvolašvuođa juogus (BOD)

    Juogus oktiiheivehallá stáhtabušeahttabarggu, das lea vuogádatovddasvástádus etáhtastivremis ja hálddaša departemeantta opmodagaid. Juhkosis lea maiddái doaimmahanovddasvástádus suorggi digitaliseremis, ja departemeantta organisašuvdnaovddideamis. Juogus oktiiheivehallá departemeantta barggu stáhta- ja servodatdorvvolašvuođain ja gearggusvuođain, ja das lea maid ovddasvástádus departemeantta iežas gearggusvuođas ja dorvvolašvuođas.