Biebmopolitihka ossodagat

Eanadoallo- ja biebmodepartemeanta

Ossodat bargá ovddidit dorvvolaš biebmobuvttadeami, elliidčálggu ja šaddo- ja elliiddearvvašvuođa.Ossodagas lea ovddasvástádus čuovvulit biebmolága, elliidčálgolága, elliiddearvvašvuođabargiid lága, beanalága ja šibitdoallolága. Biebmosuorggi njuolggadusat leat buori muddui harmoniserejuvvon EEO:s. Ossodagas lea ovddasvástádus čuovvulit EEO-šiehtadusa máŋgga suorggis. Ossodat čuovvula čuolmmaid mat bohciidit WTO/SPS oktavuođas (saniteara ja phytosaniteara diliid birra WTO oktavuođas). Biebmobearráigeahču etáhtastivren gullá Biebmopolitihkalaš ossodahkii.

Ossodaga čuovvovaš sekšuvnnat:

  • Elliiddearvvašvuođa, elliidčálggu ja geavaheaddjeberoštumiid juogus (EEG)

    Elliiddearvvašvuođa, elliidčálggu ja geavaheaddjeberoštumiid juhkosis lea ovddasvástádus elliidčálggus ja elliiddearvvašvuođas, ja maiddái boraspiriin/guohtunelliin ja rádjebearráigeahčus. Juhkosis lea maid ovddasvástádus čuovvulit biebmolága, njuolggadusaid mat gusket merkemii, guorramii ja kvalitehtii biebmogávppiin, ja suodjalit namahusaid ja ealáhusovddideami. Dasa lassin lea juhkosis ovddasvástádus elliiddearvvašvuođabargiidlága, šibitdoavtterdili, šibitdálkasiid ja antimikrobiála resisteansabarggu hárrái / Okta-dearvvašvuohta.

  • Biebmobuvttadeami, EEO- ja riikkaidgaskasaš ovttasbarggu juogus (BER)

    Biebmobuvttadeami, EEO ja riikkaidgaskasaš ovttasbarggu juogus galgá fuolahit biebmosuorggi riikkaidgaskasaš bargguid. Váldodeaddu biddjojuvvo EEO-šiehtadussii, WTO/SPS:i ja friddjagávpešiehtadusaide. Juhkosis lea ovddasvástádus šibitsagaheami ja šaddovuđot biebmobuvttadeami njuolggadusain, dása gullet maiddái šaddodearvvašvuohta, gilvvaávdnasat, šaddogáhttenávdnasat ja duvttat. Juogus fuolaha maiddái biebmobálkáseami, genateknologiija, fuođarávdnasiid ja ekologiijanjuolggadusaid bargguid, beanalága lassin. Juogus galgá maid gozihit ossodaga gearggusvuođadoaimmaid.