Luondduhálddašanossodat

Dálkkádat- ja birasdepartemeanta

Ossodaga váldoovddasvástádus lea ovddidit politihka várjalan várás luondduvalljivuođa gáttis ja mearas, ja sihkkarastit ollislaš ja ceavzilis luondduhálddašeami sihke geavaheami, suodjaleami ja olgonastima bokte. Ossodagas lea maid ovddasvástádus mearraguovlluid hálddašanplánain ja boraspiriid hálddašeamis.

Ossodaga čuovvovaš sekšuvnnat:

  • Stivrensekšuvdna

    Juogus ovdánahttá ja ásaha ollislaš ja ekovuogádatvuđot hálddašanvuogádagaid. Juhkosis lea maiddái ovddasvástádus koordineret ossodaga barggu luonddudieđuin, areálahálddašeamis, eaŋkiláššiin plána- ja huksenlága vuođul, energiijaáššiin nannámis, stáhtabušeahtas, doarjjahálddašeamis ja doaibmaplánemis. Juogus koordinere dasa lassin Birasdirektoráhta, Artsdatabankena ja stáhtahálddašeddjiid birasgáhttenossodagaid stivrema departemeantta bealis.

  • Várrejuogus

    Sekšuvdna bargá váriid luonddušláddjivuođa áimmahuššamiin. Dasa lassin lea juhkosis ovddasvástádus departemeantta boraspirehálddašanbarggus, goddebivddu hálddašeamis, ii-ávkkástalahahtti fuođđošlájaid hálddašeamis, mohtorjohtalusas mehciin, olgonastimis, mátkeealáhusas ja luondduguossástallanguovddážiin.

  • Mearrajuogus

    Juhkosis lea bajimus ovddasvástádus Norgga áhpeguovlluid ollislaš hálddašanplánain, mariidna luonddušláddjivuođa suodjaleamis, ja nuoskkideamis ja eará váikkuhusain mariidna birrasii. Dasa lassin lea juhkosis ovddasvástádus riikkaidgaskasaš áhpebirasovttasbarggus ja maiddái čuovvolit ollu riikkaidgaskasaš konvenšuvnnaid čuovvoleamis dán suorggis.

  • Vuovdejuogus

    Sekšuvdna bargá áimmahuššat vuvddiid ja vuollegis eatnamiid ja kultureanadagaid luondduvalljivuođa ja koordinere ossodaga barggu áitojuvvon luondduin. Juhkosis lea maiddái ovddasvástádus departemeantta bargguin suodjalanguovlluid hálddašemiin, Márkalágain, Luonddušláddjivuođalágain, váikkuhusčielggademiiguin ja genamodifiserejuvvon organismmaiguin.

  • Čáhcejuogus

    Juogus bargá áimmahuššat sáivačáziid luondduvalljivuođa seailluheami ja das lea ovddasvástádus hálddašit čáziid, luosaid ja vieris šlájaid. Viidáseappot bargá juogus nješšiiguin ja energiijaáššiiguin čázis, ja Oslovuona ollislaš plánain. Juhkosis lea maiddái ovddasvástádus ossodaga bargguin biraskriminalitehtain ja áitojuvvon šlájaid gávppašemiin, vierisšlájaiguin ja luondduvárain.