Čielgasat njuolggadusat Deanučázádaga hálddahussii
Ođas | Almmustahtton: 20.06.2025 | Dálkkádat- ja birasdepartemeanta
Dálkkádat- ja birasdepartemeanta sádde ođđa Deanuláhkaásahusevttohusa gulaskuddamii. Evttohus sihkkarastá govddit ovddastusa Deanučázádaga guolástanhálddahussii (DG), ja luvve DG stáhta guolástanhálddahusas. Evttohusa vuođđun leat DG, Sámedikki ja Dálkkádat- ja birasdepartemeantta gaskasaš ráđđádallamat.
– Deanučázádat lea Norgga deháleamos luossajohka. Mii fertet sihkkarastit ahte mii hálddašit dan buriin vugiin. Lean ilus go departemeanta, Deanučázádaga guolástanhálddahusa ja Sámediggi leat soahpan reviderejuvvon Deanuláhkaásahusa, maid mii dál sáddet gulaskuddamii, dadjá dálkkádat- ja birasministtar Andreas Bjelland Eriksen.
Deanuláhkaásahus bođii fápmui 2011:s, ja ásahii Deanučázádaga guolástanhálddahusa (DG). DG hálddaša joga priváhtarievttálaš guolástanvuoigatvuođaid, ja das lea ovddasvástádus čázádaga báikkálaš hálddašeamis oktan oaggunkorttaid vuovdimiin, gozihemiin ja sálašregistreremiin.
Ovttamielalašvuohta evttohussii maŋŋá ráđđádallamiid
Maŋimus jagiid lea čielgan ahte máŋga čuoggá Deanuláhkaásahusas berre aiddostahttit dahje viidásetovddidit. Earret eará leat eahpádusat čuožžilan DG stivrra válljema ja čoahkkádusa hárrái. Dál evttoha Dálkkádat- ja birasdepartemeanta soames rievdadusaid rievdadusa láhkaásahussii.
Departemeanta evttoha earret eará nannet goappašiid sohkabeliid ovddastusa DG:s ja sihkkarastit govddit ovddastusa olles Deanuleagis. Evttohuvvo maiddái ásahit sierra dárkkistanlávdegotti mii galgá bearráigeahččat ahte DG mearrádusat čuvvot Deanulága ja Deanuláhkaásahusa. Departemeanta evttoha nannet DG priváhtarievttálaš orgánan, mii ii čatnas njuolgga stáhta guolástanhálddahussii. Evttohus mii dál sáddejuvvo gulaskuddamii, lea DBD, GD ja Sámedikki gaskasaš ráđđádallamiid boađus. Buot golbma ásahusa dorjot evttohusa.
– unnje lea miellagiddevaš beassat geahčadit árvalusaid, ja ávžžuhan erenoamážit báikkálaš doaimmaheddjiid sáddet gulaskuddanárvalusaid, dadjá dálkkádat- ja birasministtar Andreas Bjelland Eriksen.