Stuorradiggi lea meannudan proposišuvnna ođđa boazodoallošiehtadusa birra
Ođas | Almmustahtton: 20.06.2025 | Eanadoallo- ja biebmodepartemeanta
Stuoradiggi meannudii geassemánu 18. b. proposišuvnna boazodoallošiehtadusa 2025/2026 birra. Stáhta ja Norgga Boazosápmelaččaid Riikkasearvi (NBR) sohpe boazodoallošiehtadusa guovvamánu 14. b. 2025, ja ráđđehus ovddidii proposišuvnna miessemánu 15. b.
Proposišuvnnas čilgejuvvo earret eará šiehtadallamiid vuođđu, boazodoalu stáhtus ja ovdánandovdomearkkat.
Boazodoallošiehtadusa 2025/2026 loahppabeavdegirji, Boazodoallošiehtadus 2025/2026 ja ja ekonomalaš rámma juogadeapmi leat proposišuvnna mielddusin. Stuorradigge guorrasii sohppojuvvon šiehtadussii ja dohkkehii rievdadusaid stáhtabušeahtas Eanandoallo- ja biebmodepartemeantta 2026 bušeahta vuolde, ja mearridii addit Eanandoallo- ja biebmodepartementii fápmudusa álggahit doaibmabijuid boazodoallošiehtadusa olis, ja mat leat čadnon jagi 2026 juolludemiide.