Revidert nasjonalbudsjett
100 millijovnh kråvnah lissiedajvese Fovsen sïjtese
Preassadieđáhus | Almmustahtton: 16.05.2025 | Eanadoallo- ja biebmodepartemeanta
Staate liktemelatjkoej mietie gaskem Åarjel-Fovsen sïjte jïh Fosen Vind, jïh Noerhte-Fovsen sïjte jïh Roan Vind, dïedtem vaalteme lissiedajvem reebledh daelviegåatoemasse dejtie göökte sïjtide. NIBIO lea ovmessie dajvh salkehtamme, jïh dajvide Håmmålsfjellet-Sålekinna juvnehtamme tjïeltine Os, Tolga jïh Engerdal. Reerenasse guhkiebasse daejnie juvnehtimmine barka.
Reerenasse daelie dåarjoem 100 millijovnh kråvnine raereste juktie ovmessie åasah maeksedh juktie lissiedajvem daelviegåatoemasse Fovsen sïjtese tseegkedh.
– Dåarjoe sæjhta gaskem jeatjah åasah feerhmedh soejkesjeprosessem tjïrrehtidh, dåvvoje råajvarimmide jïh gåatomeleejjemelatjkojde. Daate ållesth mierie mij edtja sjïehteladtedh ihke maahta dievhtedh dam åeliedimmiem maam staate lea vaalteme liktemelatjkoen mietie Fovsenisnie, Sandtrøen jeahta.
Golme guejmieh suerkiesoejkesjisnie laanteburrie- jïh gaertenejieliemisnie
Daelie reerenasse golmebielien bransjeforumem jåartabårran jïh gaerteneburride tseegkie, gusnie barkoevaeltijh jïh barkoevedtijh, åejvieladtjh jïh siebrieh laanteburresne leah meatan.
– Jaepieboelhkebarkijh, goh gaajhkh jeatjah barkijh Nöörjesne, edtjieh jearsoes jïh öörneldihkie barkoetsiehkieh utnedh. Forumen aajkoe lea dïrregh jïh viehkiedïrregh evtiedidh mah dovne tjïelkestieh jïh gorredieh barkoevedtije jïh barkoevaeltije laakide jïh latjkojde steerie, laanteburrie- jïh beapmoeministere Nils Kristen Sandtrøen jeahta.
Dïhte orre golmebielien bransjeforume jåarteburrien- jïh gaertenejieliemasse ektesne beetnehvierhtiejgujmie finansierie, Laanteburrie- jïh beapmoedepartemeente 750 000 kråvnah dåårje, jïh seamma stoerre beetnehveahka Barkoe- jïh ektiedimmiedepartemeenteste (AID). Tjåenghkies 1,5 mill. kråvnah dåarjojne jaepien 2025, edtja maeksedh bransjeforumen tseegkemem maeksedh joe jaepien 2025 .
- Jïjnjh jaepieboelhkebarkijh mah dåårrehtamme sjidtieh laantijste EØS:n ålkolen, leah rïektesisnie jearohks viehkeste barkoeviedtijste, gosse Nöörjesne årroeh. Dan åvteste sæjhta maehtedh jaepieboelhkebarkijh geerve jearohkevoetetsiehkiem barkoeviedtiej vööste åadtjodh, jïh dan åvteste prååsehke årrodh. Gaajhkide barkijidie Nöörjesne edtja jearsoes jïh öörneldihkie barkoetsiehkie årrodh. Gosse daelie bransjeforumem tseegkebe gusnie gaajhkh guejmieh barkoejieliedisnie leah meatan, dle sïjhtebe daam gorredidh. Dïhte aaj vihkeles juktie nöörjen noeride fryöjstehke darjodh laanteburresne barkedh, barkoe- jïh ektiedimmieministere Tonje Brenna jeahta.