Norsk Tippinga rolla
Artihkal | Maŋimuš ođasmahttojuvvon: 10.03.2025 | Kultur- ja dásseárvodepartemeanta
Norsk Tipping lea stáhatalaš oasussearvi mas lea oktovuoigatvuohta ollu ruhtaspealuide Norggas.
Norsk Tippinga servodatdoaibma lea láhčit dili vásttolaš ruhtaspeallanfálaldaga ja eastadit heajos váikkuhusaid ruhtaspeallamis. Beaktilis doaibma galgá sihkkarastit ahte eanemus lági mielde dietnasiin manná buriid ulbmiliidda. Fitnodaga badjebáza juhkkojuvvo ulbmiliidda mat leat mearriduvvon Ruhtaspeallanlágas.
Eaiggátstivren
Stáhta eaiggáda 100% Norsk Tippinga ossosiin. Kultur- ja dásseárvoministtar hálddaša stáhta eaiggátvuođa fitnodagas ja doaibmá nu maiddái váldočoahkkimiin. Norsk Tippingas lea suorgepolitihkalaš ulbmil. Fitnodaga doaibma lea lágidit ja gaskkustit ruhtaspealuid doallevaš vugiin, mii lea almmolaš dárkkisteami vuolde, mas áigumuš lea eastadit heajos váikkuhusaid ruhtaspealuin, seammás go fitnodaga ulbmillaš doaibma galgá láhččojuvvot nu ahte eanemus lági mielde ruhtaspealuid badjebáhcagis sáhttá mannat láhkanannejuvvon ideála ulbmiliidda. Ruhtaspeallanláhka, váldočoahkkin ja fitnodaga njuolggadusat stivrejit fitnodaga doaimma.