Lotteriija ja ruhtaspealut
Kultur- ja dásseárvodepartemeanttas lea váldoovddasvástádus hálddašit ruhtaspealuid ja lotteriijaid, maid dahká Lotteriija- ja vuođđudusbearráigeahču hálddašan- ja dárkkistanorgánain. Stuorimus ruhtaspealut Norggas dál fállojuvvojit oktovuoigatvuođamodeallain. Norsk Tippingas lea oktovuoigatvuohta fállat ruhtaspealuid ja Stiftelsen Norsk Rikstotos lea oktovuoigatvuohta fállat ruhtaspealuid heastagilvvohallamiin. Kultur- ja dásseárvodepartemeanttas lea ovddasvástádus Norsk Tipping AS eaiggátstivremis.
Ruhtaspealut Norggas
Bajit dási ulbmil ruhtaspeallomárkana muddemis Norggas lea eastadit speallanváttisvuođaid ja eará heajos váikkuhusaid ruhtaspealuin, ja maiddái sihkkarástit ahte ruhtaspealut čađahuvvojit vásttolaš ja oadjebas vuogi mielde. Dasa lassin galgá mudden láhčit dili nu ahte ruhtaspealuid badjebáza manná ulbmiliidda mat eai leat vuođđuduvvon dietnasiidda. Maŋit oassi lea goitge daid eará ulbmiliid vuollásaš.
Bearráigeahčču, dárkkisteapmi ja čuovvuleapmi
Lotteriijabearráigeahčču ásahuvvui jagi 2001 bearráigeahččanorgánan, mii galgá hálddašit ja dárkkistit priváhta lotteriijaid ja stahtalaš spealuid. Stuoradiggi hálidii oažžut buoret goziheami lassáneaddji speallan- ja lotteriijamárkanis Norggas.
Norsk Tippinga rolla
Norsk Tipping lea stáhatalaš oasussearvi mas lea oktovuoigatvuohta ollu ruhtaspealuide Norggas.
Eará neahttabáikkit
Oktavuohta
Media- ja dáiddaossodat
E-poasta: postmottak@kud.dep.no
Telefovdna:
22 24 90 90
Čujuhus:
Postboks 8030 Dep, 0030 Oslo
Galledančujuhus:
Grubbegata 1, Oslo