Reiseliv

Reiselivsnæringa var før pandemien ei av dei næringane i verda som vaks raskast. Næringa vart hardt råka av koronarestriksjonane, og det vil truleg ta tid før aktiviteten i næringa er attende på 2019-nivå. Det er framleis stor uvisse knytt til korleis pandemien vil påverke det globale og det nasjonale reisemønsteret framover. Noreg har ein storslegen natur, eit rikt mangfald av kulturminne og eit kulturliv som skaper interesse i utlandet. Norsk reiselivsnæring har med dette gode føresetnader for å gjenreise seg i åra framover. Dersom reisemønstra går attende til situasjonen før pandemien, kan vi få grunnlag for ny vekst og for å utvikle den norske reiselivsnæringa. Dette fører til nye arbeidsplassar og aktivitet lokalt, ikkje minst i mange distriktskommunar.