Høyring Forslag om endringar i forskrift om opptak til høgare utdanning

Vår ref.: 25/3803

Høyring - forslag om endringar i forskrift om opptak til høgare utdanning

Departementet vurderer årleg, i samråd med Direktoratet for høgare utdanning og kompetanse (HK-dir) / Samordna opptak (SO), om det er behov for endringar i opptaksforskrifta. Forslag om endringar frå universiteta, høgskulane og HK-dir som departementet har motteke innan 1. mars, blir vurderte og sende på høyring saman med endringar foreslått av departementet. Det vedlagde høyringsnotatet inneheld vurderingar av forslag til endringar og er gjort av HK-dir og Kunnskapsdepartementet.

Mottekne endringsforslag som ikkje er tekne med i høyringa

Mindre, tekniske endringar, som endringar i namn på studium og andre språklege endringar, blir ikkje sende på høyring, jf. forvaltningslova § 37 fjerde ledd, bokstav c. Forslag som gjeld tiltak i Meld St. 20 (2023–2024) Opptak til høgare utdanning vil bli følgde opp i departementet sitt arbeid med ny opptaksforskrift, og blir derfor ikkje tatt med i denne høyringa.

Høyringa er tilgjengeleg på regjeringa.no. Høyringsfråsegner kan sendast elektronisk ved å bruke den digitale løysinga på www.regjeringen.no/id3108937. Det skal sendast kopi av høyringssvara til post@hkdir.no. Høyringsfristen er fredag 19. september 2025.

Med helsing

Joakim Bakke (e.f.)
avdelingsdirektør

Katrine Elida Aaland
utredningsleiar

Høyringsnotat(2519275) (002).pdf

Oversikt over alle forslag om endringar i forskrift om opptak til høgare utdanning(2519279).pdf

Vedlegg I. Generell studiekompetanse for søkjarar med utanlandsk utdanning GSU-lista(2519277).pdf

Vedlegg II. Liste over tabellar for omrekning av karakterar frå utanlandsk vidaregåande opplæring(2519278).pdf