Landbrukspolitisk avdeling (LP)

Landbruks- og matdepartementet

Avdelinga har ansvar for jordbruksavtalen og reindriftsavtalen og dei årlege forhandlingane på jordbruks- og reindriftsområdet. Avdelinga har vidare ansvar for klima-, miljø- og naturspørsmål på jordbruksområdet. Avdelinga følgjer opp importvernet for jordbruksvarer, handelsforhandlingar og internasjonalt matsikkerheitsarbeid. Avdelinga har styringsansvar for Landbruksdirektoratet.

Avdelinga har følgande seksjonar:

  • Seksjon jordbrukspolitikk (SJ)

    Seksjonen har ansvar for jordbruksavtalen og dei årlege jordbruksforhandlingane mellom staten, Norges Bondelag og Norsk Bonde- og Småbrukarlag. Oppfølginga og gjennomføringa av jordbruksavtalen skjer i samarbeid med Landbruksdirektoratet. Seksjonen har ansvar for matvareberedskap, husdyrkonsesjon, kvoteordninga for mjølk og prisutjamningsordninga for mjølk.

  • Seksjon klima-, miljø- og handelspolitikk (KMH)

    Seksjonen har ansvaret for internasjonale handelsforhandlingar og tollvernet for landbruksvarer, næringsmiddelindustrien og internasjonalt arbeid på matsikkerheitsområdet. Seksjonen har vidare ansvar for klima, miljø og naturspørsmål på fagområde jordbruk i tillegg til koordineringsansvar for klima- og miljøarbeidet i departementet. Seksjonen jobbar med EØS-relaterte spørsmål både på handels- og klima/miljøområdet.

  • Seksjon reindriftspolitkk (SR)

    Seksjon reindriftspolitkk har ansvar for utvikling av reindriftspolitikken, gjennomføring av dei årlege reindriftsforhandlingane og utvikling av økonomiske og juridiske verkemidla. I tillegg har seksjonen innanfor reindriftsområdet ansvaret for rovvilt- og arealspørsmål, klimatiltak- og beredskap, folkerettslege problemstillingar, utvikling av tilleggsnæringar med utgangspunkt i reindrifta, internasjonale konvensjonar og den grensekryssande reindrifta. Seksjonen har utstrekt samarbeid med Landbruksdirektoratet og statsforvaltarane med reindriftsansvar.