Avdeling for matpolitikk (MP)

Landbruks- og matdepartementet

Avdelinga har ansvar for å følgja opp matlova, dyrevelferdslova, dyrehelsepersonellova, hundelova og husdyravllova. Regelverket på matfeltet er i stor grad harmonisert innan EØS. Avdelinga har ansvar for oppfølging av EØS-avtala på fleire område. Avdelinga følgjer opp problemstillingar under WTO/SPS (om sanitære og phytosanitære forhold under WTO). Etatsstyring av Mattilsynet høyrer til under Matpolitisk avdeling.

Avdelinga har følgande seksjonar:

  • Seksjon dyrehelse, dyrevelferd og forbrukarinteresser (DDF)

    Seksjon dyrehelse, dyrevelferd og forbrukarinteresser har ansvar for dyrevelferd og dyrehelse så vel som rovvilt/beitedyr og grensekontroll. Seksjonen har òg ansvar for å følgja opp matlova, regelverk knytt til merking, sporing og kvalitet i matkjeda, samt verna nemningar og næringsutvikling. I tillegg har seksjonen ansvaret for dyrehelsepersonellova, veterinærdekning, veterinære legemiddel og arbeid med antimikrobiell resistens / Én helse.

  • Seksjon matproduksjon, EØS- og internasjonalt samarbeid (MEI)

    Seksjon matproduksjon, EØS og internasjonalt samarbeid skal ivareta porteføljen knytt til det internasjonale arbeidet på matområdet. Hovudvekta ligg på EØS-avtalen, WTO/SPS og frihandelsavtalar. Seksjonen har ansvar for regelverk knytt til husdyravl og plantebasert matproduksjonen, inkludert plantehelse, såvare, plantevernmiddel og gjødsel. Vidare ivaretek seksjonen arbeidet knytt til matsvinn, genteknologi, fôrvarer og økologiregelverket i tillegg til hundeloven. Seksjonen skal og ivareta beredskapsporteføljen til avdelinga.