Styreval i Gassco
Pressemelding | Dato: 20.06.2025 | Energidepartementet
På generalforsamlinga 20. juni vart Siri Birgitte Bang Berge valt inn som nytt styremedlem i Gassco AS.
Gassco er operatør for det integrerte transportsystemet for gass frå norsk kontinentalsokkel til marknadene i Europa. Gasstransportsystemet består av røyrleidningar, prosessanlegg og gassterminalar på det europeiske kontinentet og i Storbritannia.
Som operatør har selskapet ansvar for trygg og effektiv transport av gass frå norsk sokkel, og leverer ein betydeleg del av gassen som blir brukt i EU og Storbritannia. Staten eig Gassco, og eigarskapen blir forvalta av Energidepartementet.
Etter generalforsamlinga er dette dei aksjonærvalde medlemmene i styret:
Leiar: Jan Steffen Skogseth
Styremedlem: Karl-Petter Løken
Styremedlem: Bente Nyland
Styremedlem: Asgeir Tomasgard
Styremedlem: Siri Birgitte Bang Berge