Statsministerens program veke 15
Pressemelding | Dato: 04.04.2025 | Statsministerens kontor
Statsministeren og statsrådane har normalt desse faste postane i vekeprogrammet: Regjeringskonferanse torsdag kl. 13.00 og statsråd på Slottet fredag kl. 11.00. Det er også jamlege møte i Regjeringa sitt sikkerheitsutval (RSU).
Måndag 7. april
Statsminister Jonas Gahr Støre er i Brüssel, der han mellom anna skal møte presidenten i Europakommisjonen, Ursula von der Leyen, og opne næringslivsarrangementet «EU-Norway: partners for European security and competetiveness» saman med visepresident i Europakommisjonen, Teresa Ribera.
Her deltek representantar frå Europakommisjonen, NHO, LO og frå norsk og europeisk næringsliv.
Statsministeren skal også ha eit eige møte med representantar frå norsk næringsliv, NHO og LO.
Pressekontakt er kommunikasjonsrådgivar Mona Sæverud, telefon 92 05 76 50, e-post msa@smk.dep.no.
Tysdag 8. april
20.00: Statsminister Jonas Gahr Støre deltek på gallamiddag på Slottet, i samband med statsbesøket frå Island.
Sjå eiga pressemelding for fleire detaljar om presidentbesøket.
Onsdag 9. april
Kl. 12.30: Statsminister Jonas Gahr Støre møter Islands president Halla Tómasdóttir til samtalar i regjeringa sitt representasjonsanlegg i Parkveien 45.
Kl. 13.15: Statsministeren er vert for regjeringa sin lunsj for Islands presidentpar i Parkveien 45. Fristen for akkreditering er gått ut.
Pressefolk som ønskjer å dekkje besøket, må melde seg på til rvi@smk.dep.no innan tysdag 8. april.
Pressekontakt er kommunikasjonsrådgivar Mona Sæverud, telefon 92 05 76 50, e-post msa@smk.dep.no.
Kl. 18.00: Statsminister Jonas Gahr Støre deltek saman med finansminister Jens Stoltenberg på Politisk pub på Carls i Oslo, der dei snakkar om Noreg i ei uroleg tid. Samtalen vert leia av Lars West Johnsen. Adresse: Trondheimsveien 113.
Pressekontakt er statssekretær Kristoffer Thoner, telefon 97 68 14 80, e-post kth@smk.dep.no.