– Politiske prioriteringar for framtidstru og tryggleik

– Folk i heile landet skal merke at Noreg nå har fått Arbeidarpartiregjering. Me skal arbeide hardt for at folk skal ha tru på framtida og at alle skal kjenne på tryggheit for morgondagen, seier statsminister Jonas Gahr Støre.

I dag tidleg la Støre fram regjeringas politiske prioriteringar. Desse er ei utdjuping av statsministerens utgreiing i Stortinget onsdag.

– Urolege tider krev trygg styring. Folk skal få betre råd og endå fleire skal ut i jobb. Me arbeider for små forskjellar i landet vårt, og motverke kriminalitet. Og ikkje minst arbeider me hardt for ei meir stabil verd. Regjeringa er på jobb for at folk skal ha like mogelegheiter og kjenne tryggheit, seier statsministeren.

Regjeringa prioriterer viktige områda som betyr mykje i folks liv.

– Born og unge skal lære meir og trivast betre, ventetidene i helsetenesta skal ned og me skal nå klimamåla. Eg trur vår politikk vil vera med og bidra til meir framtidstru og tryggheit for den einskilde og familiar i heile landet, seier Støre.

Arbeidarparti-regjeringa sine politiske prioriteringar:

• Endå fleire skal vera i jobb
• Folk skal få betre råd
• Born og unge skal lære meir og trivast betre
• Få ned ventetidene i helsetenestene
• Klimamåla skal nåast, og nok rimeleg og rein kraft for framtida.
• Små sosiale og geografiske forskjellar
• Motverke kriminalitet
• Folk skal ha like mogelegheiter og delta i eit sterkt demokrati
• På jobb for Noreg i ei uroleg verd
• Næringslivet skal ha forutsigbarheit og gode rammer for framleis vekst

Statsministeren er tilgjengeleg for pressa i samband med debatten i Stortinget seinare i dag.