Oppstart for analyse om Helseplattforma

Bakgrunnen er eit stortingsvedtak frå februar i år (stortinget.no), der Stortinget bad regjeringa om å sørge for ei open og uavhengig analyse av Helseplattforma.

Analysen tar utgangspunkt i dagens situasjon og formålet er å etablere eit faktabasert kunnskapsgrunnlag.

– Det er inga løyndom at det har vore fleire utfordringar med Helseplattforma, og eg er derfor samd med vedtaket Stortinget gjorde tidlegare i år og ønsker denne analysen hjarteleg velkomen. No ser eg fram til å få meir kunnskap om fordelar og ulemper ved Helseplattforma, for både sjukehus, kommunar, fastlegar og pasientar, seier helse- og omsorgsminister Jan Christian Vestre.