Nytt styre for Office for Contemporary Art Norway (OCA)

– OCA er ein sjølvstendig stifting som spelar ei viktig rolle i det internasjonale kulturfeltet. Difor treng dei eit aktivt og engasjert styre. Vi er glade for at desse dyktige folka har takka ja, og vi ønsker dei lukke til vidare med å styrke det internasjonale nettverket innan samtidskunst, seier kultur- og likestillingsminister Lubna Jaffery.

Styret består no av:

• Leiar: Trude Gomnæs Ugelstad, Oslo
• Medlemer:
• Yngvill Beate Aagaard Sjöösten, Nesodden (ny)
• Sille Storihle, Oslo
• Hans Marius Graasvold, Skien
• Kristoffer Dolmen, Bodø
• Varamedlemer:
• Kasper Teglgaard Koch, Oslo (ny)
• Anne Karin Furunes, Stjørdal (ny)
• Francine Mbanza Jensen, Bergen (ny)
• Lars Mørch Finborud, Nesodden

OCA jobbar for å styrke og profesjonalisere norsk deltaking i internasjonalt samarbeid på biletkunstområdet. Dei hjelper kunstnarar med å bygge nettverk, deltek på store kunstutstillingar i utlandet, og legg til rette for samarbeid og utveksling med internasjonale kunstmiljø.