Nye frøprøver deponerte i Svalbard globale frøkvelv
Nyheit | Dato: 27.02.2025 | Landbruks- og matdepartementet
13 000 frøprøver frå 21 genbankar blei deponerte i Svalbard globale frøkvelv denne veka.
Frøprøvene inkluderer viktige durra-variantar og perlehirse frå avlingsgenbanken i Sudan. Frøprøvesamlinga blei nesten øydelagd i borgarkrigen. Det er også med munuca frå Malawi som stør både berekraftig landbruk og tradisjonell medisin, viktige avlingar frå ein filippinsk genbank som har vore råka av tyfonar og brannar og ei større samling av meir enn 3000 ulike variantar av ris, bønner og mais frå Brasil.
– Frøkvelvet er til for matsikkerheita i verda vår. Det er fantastisk å vera her og få nye frø hit til Svalbard, også frå eit par nye land, seier statssekretær Hanne Berit Brekken.
– Eg er glad for at Noreg gjennom Svalbard globale frøkvelv bidreg til å forsikra framtidige generasjonar at dei kan nytta plantearven vår.
Dette er den 66. deponeringa i Svalbard globale frøkvelv. Det har teke imot frøprøver frå 123 genbankar i 85 land kringom i verda sidan det blei opna i februar 2008.
Databasen som katalogiserer alle genbankar, deponeringar og frøprøver heiter Seed Portal (Frøportalen). Det er NordGen som er ansvarleg for han.
- Les meir på nettstaden til NordGen: The Seed Portal - NordGen
Etter deponeringsseremonien, førte den aller fyrste internasjonale Svalbard-dialogen regjeringsrepresentantar, avdelingsekspertar og globale tankeleiarar saman for å drøfta utfordringa med å verna om avlingsmangfaldet i møte med aukande miljøpress og eskalerande globale konfliktar
Det at genbankar frå land som Filippinane og Sudan deltek, understrekar rolla til Frøkvelvet som eit vern mot parallelle krisar relaterte til klimaendringar og konfliktar
| Seed deposits February 2025 | Country | Accesions | Boxes | Crops |
| IITA | Nigeria | 1114 | 4 | 10 species, Maize (1304), Soybean (817), groundnut (64) + 7 others (+ two testboxes) |
| State Forest Service | Lithuania | 80 | 1 | 22 species, 35 Barley, 14 wheat, some herbs and tree species |
| Obafemi Awolowo university (new, BOLD) | Nigeria | 560 | 3 | 28 species, many legumes, Vigna, Sphenostylis, Psophocarpus, haseolus + other vegetables |
| Embrapa (BOLD) | Brazil | 3003 | 10 | Rice, beans and maize |
| APGRC | Sudan | 1884 | 3 | 15 species, most Sorghum and pearl millet |
| Malawi Plant Genetic Resources Centre, Chitedze Research Station (New, BOLD) | Malawi | 813 | 4 | 20 species, 263 Sorghu, 211 maize, 85 rice and other legumes and vegetables |
| Malaysian Agricultural Research and Development Institute (BOLD) | Malaysia | 518 | 2 | 8 species, 483 rice + egg plant and vigna beans |
| NRSSL | Thailand | 300 | 1 | Rice |
| NordGen | Nordic countries | 438 | 1 | 90 species, much barley, triticum, vegetables, cwr and herbs |
| International Center for Biosaline Agriculture (ICBA) (new) | UA Emirates | 374 | 1 | 114 different species, + 2 test boxes |
| Agricultural Research Institute of Burundi (BOLD) | Burundi | 892 | 3 | 23 species, 603 phaseolus beans, legumes, sorghum, millets and vegetables |
| Scientific Research Center of Agriculture (new, BSF) | Georgia | 206 | 1 | 16 species, wheat, maize and beans |
| CATIE (BOLD) | Costa Rica | 1100 | 2 | 14 species, Capsicum, Curcurbita and Solanum |
| Institut National des Recherches Agricoles du Benin (BOLD) | Benin | 57 | 1 | Maize |
| National Plant Genetic Resources Laboratory (BOLD) | Philippines | 75 | 1 | Phaseolus lunatus, Solanum melongena, Sorghum bicolor and Vigna umbellata |
| Sveaskog | Sweden | 8 | 1 | Nordic tree species |
| The Norwegian Forest Seed Centre | Norway | 25 | 1 | Nordic tree species |
| AfricaRice | Cote d'Ivoire | 1159 | 2 | Rice, four species/subspecies of Oryza |
| ICRAF | Kenya | 278 | 1 | 42 species, mainly tree species |
| Totals | 12884 | 43 |
Det er Landbruks- og matdepartementet som administrerer Det globale frøkvelvet på Svalbard. I tillegg har departementet ansvar for drift, tryggleik og stønad. Statsbygg har fått rolla som hovudrådgjevar når det gjeld bygg og vedlikehald av frøkvelvet.
- Du kan lesa meir om frøkvelvet på: Landbruks- og matdepartementet - regjeringen.no
NordGen er genbanken til dei nordiske landa, og er også kunnskapssenter for genetiske ressursar. Som driftaren av Frøkvelvet, har NordGen ansvaret med å handtera frøa inne i Frøkvelvet, kommunisera med andre genbankar og å halda ved like ein open, allmenn database med informasjon om frøprøvene som ligg lagra i Frøkvelvet.
- Les meir hjå NordGen: NordGen
Crop Trust er ein internasjonal organisasjon som arbeider med å konservera avlingsmangfaldet og såleis verna den globale mat- og ernæringstryggleiken. Kjernen i Crop Trust er eit gåvefond som garanterer økonomisk stønad til genbankar over heile verda på lang sikt. Crop Trust stør Det globale frøkvelvet på Svalbard og koordinerer storskalaprosjekt over heile verda for å sikra avlingsmangfaldet og gjera det tilgjengeleg for bruk. Crop Trust er anerkjent som eit essensielt element i finansieringsstrategien til den internasjonale traktaten om plantegenetiske ressursar for mat og landbruk.
- Les meir hjå Crop Trust: www.croptrust.org