Endringar i rettskrinsane til tingrettane frå 10. juni 2025

Endringane medfører at det blir 28 tingrettar totalt, og inneber at:

Vestre Innlandet tingrett blir delt i to rettskrinsar:

• Gudbrandsdal tingrett, med rettsstadar i Lillehammer og Vågåmo
• Vestoppland og Valdres tingrett, med rettsstader i Fagernes og Gjøvik

Østre Innlandet tingrett endrar namn til Hedmarken og Østerdal tingrett.

Telemark tingrett blir delt i to rettskrinsar:

• Øvre Telemark tingrett, med rettsstadar i Kviteseid og Notodden
• Nedre Telemark tingrett, med rettsstad i Skien

Buskerud tingrett og Ringerike, Asker og Bærum tingrett blir delt i tre nye rettskrinsar:

• Buskerud tingrett, med rettsstadar i Drammen, Kongsberg og Hokksund
• Ringerike og Hallingdal tingrett, med rettsstadar i Hønefoss og Nesbyen
• Asker og Bærum tingrett, med rettsstad i Sandvika

Møre og Romsdal tingrett blir delt i to rettskrinsar:

• Sunnmøre tingrett, med rettsstadar i Ålesund og Volda
• Nordmøre og Romsdal tingrett, med rettsstadar i Kristiansund og Molde

Hordaland tingrett blir delt i to rettskrinsar:

• Hordaland tingrett, med rettsstad i Bergen
• Hardanger og Voss tingrett, med rettsstad i Lofthus

Voss herad og Samnanger kommune blir overført frå rettskrinsen til Hordaland tingrett til rettskrinsen til Hardanger og Voss tingrett.

Endringane gjelder frå 10. juni 2025.

Bakgrunn

Endringane i rettskrinsane er i tråd med forslaget som vart presentert for Stortinget i samband med Revidert nasjonalbudsjett 2024, som ei oppfølging av høyring av endringar i domstolstruktur.